Planetimizin 8 tükürpədici yeri
22.07.2012   Bölmə: Maraqlı
Vinçesterlərin evi
Kaliforniya



160 otaq, 40 pilləkən və boyuk bir sirr. Vinçesterlər evi San-Xosedə böyük bir malikanədir. Burada ağlını itirmiş dul qadın və çoxlu ruhlar yaşayırdı. Hər şey Sara Vinçesterin ərini itirdikdən sonra onun çoxmilyonlu mirasına varis olmaqla başlamışdı. Qadının yanına ərinin ruhu gələrək ona söyləmişdi ki, pullar bir çox insanların həyatı bahasına əldə edilib, bütün Vinçesterlər lənətlənib və ruhlar qisasını alacaqlar. Yeni ev tikməklə onlarnan barışmaq olar. Tikinti fasiləsiz getməlidir. Çünki əgər tikintinin səsi dayansa qadın öləcək.
Sara dərhal işə başladı. O, Kaliforniyada köhnə bir malikanə aldı və işçiləri tutdu. Evdə yeni otaqlar, koridorlar, balkon və gizli keçidlər tikilirdi. Bütün mərtəbələri hörümçək toru kimi pilləkənlər bürüyürdü. Bunların çoxsu heç yerə gətirib çıxarmırdı, çünki dəli olmuş qadın onu izləyən xəyalətləri yoldan azdırmağa çalışırdı. Ev tez böyüyürdü, tikinti bir gündən çox dayandırılmırdı və nəticədə 38 il davam edirdi! Bü gün bu nəhəng evə turistik qruplar ekskursiyaya gedirlər. Qrupdan ayrılmaq olmaz, yoxsa dərhal bu qorxunc otaqların labirintlərində itəcəksiniz.

Aokiqaxara meşəsi
Yaponiya



Bu meşədə sıx ağaclar arasından demək olar ki, heç günəş isığı görünmür, burada insanların kompasları sıradan çıxır. Yaponlar bu yeri “İntihar meşəsi” adlandırırlar, çünki 1950-ci illərdən başlayaraq burada 500-dən artıq insan intihar etmişdir. Meşədə “Zibili yerə atmayın” lövhəciklərin yerinə yaxınları və sevdikləri haqqında düşünmək xahişləri yazılan elanlar asılıb.
Hər yerdə psixoloji xidmətlərin telefon nömrələri yazılıb, videokameralardan müşahidə aparılır. Amma insanlar (daha çox ofis həyatından bezmiş işçilər) ölməyə davam edirlər və turistlər vaxt aşırı ölənlərin cəsədlərinə və ya “ölüm vasitələrinə” (dərmanlara, ipdən kəməndlərə) rast gəlirlər.

Overtoun körpüsü
Şotlandiya



Köhnə tağşəkilli körpü Milton şotland kəndinin yaxınlığında yerləşir. Onun yanında bir çox xəyalətlərin qaçanaq yerinə çevrilə biləcək nəhəng Overtoun evi yerləşir. Lakin qəribə hadisələr bu böyük evdə yox, körpüdə baş verir. XX əsrin ortalarında onlarla itlər 15 metr hündürlükdən tullanaraq daşların üstündə həlak olurdular. Sağ qalanlar qayıdaraq cəhdlərini təkrar edirdilər. Körpü “dördayaqlıların qatilinə” çevrilmişdi.
10 il ərzində bu körpüdə bir neçə yüz it ölmüşdü. Onların hamısı eyni hasardan tullanmışdılar. Buna itləri nə vadar edirdi heç kim başa düşə bilmirdi. Bu sirri zooloqlar, veterinarlar və digər mütəxəssislər açmağa calışırdılar. Tezliklə müəyyən oldu ki, körpünün altında şiçovullar və su səmirləri yaşayırdılar və itlər onların üstünə atlana bilərdilər. Lakin başqa bir variant ondan ibarətdir ki, körpü yaşayanlarla ölülər dünyasının sərhədində yerləşir və itlər paranormal bir şey hiss edərək bu iz ilə gedirdilər və öz maraqlarına görə cəzalandırırdılar.

San Ji şəhəri
Tayvan



Dəniz sahilindəki dəbdəbəli kurort xüsusi olaraq yerli varlı insanlar üçün tikilirdi. Dairəvi otaqlı futuristik stildə olan evlər eynilikdən bezmiş insanlar üçün nəzərdə tutulurdu. Lakin artıq tikinti zamanı məlum olmuşdu ki, San Jin lənətlənib. Onlarla işçi qəribə səbəblərdən həlak olurdular: hündür yerdən düşərək boyunlarını sındırırdılar (hətta sığorta trosu ilə), yerə aşmış kranların altında ölürdülər. Yerli sakinlər əmin idilər ki, şəhərcik əcinnələrlə doludur. Burada keçmişdə olmuş “yapon ölüm düşərgəsi” haqqında ürəkparçalayan şayiələr gəzirdi.
1980-ci illərin axırında tikinti dayandırıldı. İnvestorlar gözləyirdilər ki, San Jinin “kosmik apartamentləri” öz alıcılarını tapacaqlar, lakin bütün danışıqlar yoxla nəticələnirdi. Bu yerin uğursuz xüsusiyyətləri haqqında xəbər almış mövhumatçı tayvanlılar bu mülkə pul buraxmaqdan çəkinirdilər və nəticədə kurort ruhlar şəhərinə döndü. Hökümət buranı dağıtmaq istəsə də yerli sakinlər buna imkan vermədilər: onlar qorxurlar ki, evlər dağıldıqdan sonra əcinnələr onların evlərinə gələcəklər.

Poveqliya adası
İtaliya



Balaca Poveqliya adası Venesiyanın yaxınlığında yerləşir və onu dəhşətli hekayələr dumanı bürüyüb. XIV əsrin bir neçə onillikləri ərzində dünyanı “Qara ölüm” bürüdüyü zaman bura taun xəstəliyinə tutulmuş insanları gətirirdilər. Onlar ölümcül xəstə idilər və sağ qalmağa heç bir imkanları yox idi. Elə buradaca onların hamısını bir qəbirdə basdırırdılar. Belə bir ehtimal var ki, cəsədləri yandırırdılar, ona görə Poveqliya torpağının 50 faizi insan külündən ibarətdir.
Lakin bu dəhşətin hələ başlanğıcı idi. 1992-ci ildə adada psixiatrik xəstəxana yerləşmişdir. Demək olar ki, bütün pasiyentlər tezliklə dözülməz baş ağrılarından əziyyət çəkməyə başlamışdılar və onlar şikayət edirdilər ki, xəstəxana ölənlərin kabusları ilə doludur. Lakin bu baş həkimə sərf eləyirdi, o, pasiyentlər üzərində eksperimentlər aparırdı. Adada hələ də xəstəxananın tamamilə dağılmamış binası durur. Burada həmçinin zəng gülləsi də (indi o mayak kimi istifadə olunur) yerləşir. Əfsanəyə görə, axırda ağlı başından çıxmış həkim oradan özünü ataraq intihar etmişdi.

Catinqa kəndi
Hindistan



Assam hind ştatının dağlarında yerləşdiyi Catinqa kəndi çoxdan “quşların qəbiristanlığı” ləqəbini almışdır. Hər avqust ayı yerli vadinin səmasında köçəri quşların böyük dəstələri görünür və onlar qışqıraraq özlərini yerə atırlar. Quşların kütləvi intiharı bir neçə gün davam edir, bir hissəsi həlak olur, digərləri isə sanki qipnoz altında özlərini ələ götürməyə icazə verirlər.
Ornitoloqlar artıq bir çox illər ərzində Catinqa fenomenini tədqiq edirlər və fərziyyələrdən birinə görə hesab olunur ki, səbəb qeofiziki anomaliyalardadı. Onlar quşların istiqamətindən dönmələrinə vadar edir. Digər varianta görə isə, quşlar güclü külək axınına düşür, güclərini itirir və külək onları kənd tərəfə gətirir. Yandırılmış tonqalları görərək onlar işiğa doğru özlərini atırlar və məsafəni düzgün ölçməyərək həlak olurlar.

Kuklalar adası
Mekshika



Asteklərin ölkəsindəki bu qorxu krallığına Soçimilkonun məşhur kanallarından qayıqla getmək olar. Burada hər ağac və hər tikinti gözsüz, əli-ayağı sınmış və başları parçalanmış kuklalarla bəzədilmişdir. Bunların hamısını adada Culian Barrera adlı oğlan düzəltmişdır. Bir dəfə kanalda bir qız boğulduqdan sonra o, təsadüfən onun öldüyü yerdə kukla tapmışdır. Kuklanın ölən qızın ruhuyla əlaqəsi olduğuna inanan Barrera onu adada saxlamışdır. Sonra o başqa kukla tapmışdır. Və artıq dayanmadan o, 50 il ərzində zibilə atılmış kuklaları yığırdı.
Ağlını itirmiş mekshikalı hətta adada koma tikib orada yaşayırdı. Eybəcər hala salınmış kuklaların kolleksiyası isə böyüməyə davam edirdi. Bir dəfə adanı su basmışdı (Mekshikada arada belə şeylər olur), sonra su geri çəkiləndə artıq onun sakini itmişdi. Və orada sadəcə turistlərin seyr etməyə getdiyi kuklalar qalmışdı.

Meri Kinq tupiki
Edinburq



400 il əvvəl Meri Kinq məhəlləsi Edinburqun ən gediş-gəlişli küçələrindən biri idi. Lakin şəhərdə taun xəstəliyi yayıldıqdan sonra vəziyyət dəyişmişdi. Əfsanəyə görə, xəstəliyin yayılmasının qarşısını almaqdan ötrü hökümət bütün xəstələri bir yerdə ayıraraq təhlükəli sahənin ətrafına hasar hörmüşdü. Insanları Meri Kinq tupikinə gətirirdilər və onlar köməksiz qalaraq orada ölürdülər. Onların arasında balaca Enni də var idi. Onu valideynlərindən ayıraraq “ölülər şəhərinə” gətirmişdilər, çünki o, xəstəliyə yoluxmuşdu. Məlumdur ki, bu əfsanənin yalnız bir hissəsi uydurmadır. Əslində heç bir hasar yox idi, lakin yoluxmuş xəstələr üçün karantin mövcud idi.
Bu gün Edinburqun yeraltı məhəllələri turistlər üçün attraksiona çevrilmişdir. Lakin onlar yenə də tükürpədicidirlər. Daş labirintlərə yalnız bələdçiylə getmək lazımdır. Şayiələr gəzir ki, Meri Kinq tupiki ruhlarla doludur və bəzi “xoşbəxt” turistləri isə balaca Enninin ruhu ayağından tuta bilər.
loading...
Zengimcell yukle
 (Səs sayı: 0)
Müəllif: leylawkam     Baxış sayi: 1237     22.07.2012
Təşəkkür edənlər (0) | Təşəkkür et
Bu bölməyə aid digər xəbərlər
Bakirəlik ( 16 ) Sənin də həyatın bir başqasının arzusudur!
uz qurulusu ile insanlari tanimaq SENTYABR AYI UCUN NAMAZIN VAXTI VE NAMAZIN QILINMA..
Dünyanın "Ən"ləri Yaşadığı iddia edilən məşhurlar
Rədd edilmə qorxunuza qalib gəlməyin yolları Siz varlı ola bilərsiniz, ya yox? (Test)
Gözəlliyi artırmağın qəribə sirləri İnanclar
Siz sayta qonaq kimi daxil olduğunuz üçün şərh edə bilməzsiniz. Xahiş edirik qeydiyyatdan keçin və saytın bütün bölmələrini görmə imkanını qazanın.
SAYTA GİRİŞ
İstifadəçi adı:
Parol:
            
Qeydiyyat
Şifrənizi unutmusunuz?

Hal-hazırda saytda
İstifadəçilər: 3
Qonaqlar: 92
Cəmi: 95
Bu gün saytda olanlar

Hal-hazırda saytda
Agrbpmeags
Aqskymeags
uhujic
Sorğu
Paltar Mağazasına Girsəydiz İndi Nə Alardız ?

Platya
Yubka
Kofta
Cins Şalvar
Pencək
Mini Yubka
Uzun Platya
Cins Pencək
Lasin
Şalvar
Şarf



Nəticələr
Başqa sorğu-suallar

Səs sayı: 116224
Sayğaclar



Mp3 yukle