İnsanları qısır edən məhsullar
08.07.2015   Bölmə: Qidalanma qaydaları


Fast-fud qidaları insan orqanizminə ən azı alkoqol qədər mənfi təsir edir. Alkoqollu içki də, fast-fud qidaları da qaraciyərin fəaliyyətinə mənfi təsir göstərir, müəyyən pozğunluqlar yaradır.

Amerikalı alilmərin bu yaxınlarda apardıqları araşdırma nəticəsində məlum olub ki, fast-fud uşaqların təhsil almalarına mənfi təsir göstərir. Gündəlik rasionunu daha çox fast-fud təşkil edən məktəblilərin qavrama qabiliyyəti zəif olur. Onlar dərsləri sağlam qida qəbul edən həmyaşıdlarından daha az mənimsəyə bilirlər.

Bütün dünyada yığışdırılmalıdır

Tibb elmləri doktoru, professor Adil Qeybulla hesab edir ki, fast-fud dünyada yığışdırılmalıdır. Bu həyəcan təbili artıq bütün dünyada çalınır.

"Əvvəla, fast-fudların ən böyük problemi ondan ibarətdir ki, burada fasiləsiz və tez bir zamanda qidanın hazırlanması mexanizmi işlənib hazırlanıb, ancaq bu xeyli dərəcədə ziyanlıdır. Burada istifadə edilən yağlar dəyişdirilmədən dəfələrlə istifadə edilir. Mən bir neçə dəfə diqqət eləmişəm. "McDonald`s"da fri kartoflarını metal qabda qaynayan yağa salırlar. 5-10 dəqiqədən sonra onu çıxarırlar və dərhal növbəti porsiya qoyulur. Həmin yağ gün ərzində 5-6 saat qaynayır. Bu da yağda müxtəlif kanserogenlərin, həzm, mədə-bağırsaq sisteminə mənfi təsir göstərən inqrediyentlərin əmələ gəlməsinə səbəb olur", - deyə professor əlavə edib.

O hesab edir ki, orada istifadə edilən ət məhsullarının və digər məhsulların keyfiyyəti də yaxşı deyil. Fast-fudların istifadəsi bu gün bütün dünyada müzakirə mövzusudur.

"Hətta fast-fudun yaratdığı təhlükə genetik modifikasiya olunmuş məhsullardan daha çoxdur. Fast-fud birbaşa müxtəlif oksidantların, xərçəng əmələ gətirmə xüsusiyyətlərinə malik sərbəst radikalların bədənə daxil olmasıdır. Bu qidalardan əsasən reproduktiv (nəsil artırma) qabiliyyəti olan və milli genofondun əsas hissəsi gənc nəsil istifadə edir. Fast-fud reproduktiv sağlamlığa da mənfi təsir göstərir. Ancaq bizim milli mətbəximizdə bu cür ziyanlı şeylər ümumiyyətlə yoxdur", - Adil Qeybulla bildirib.

Rusiya da yox deyir

Artıq bəzi ölkələrdə fast-fud reklamlarının qadağası məsələsi gündəmə gəlir. Rusiyanın Dövlət Dumasının "Yedinaya Rossiya" partiyasından olan deputatı Vasili Şestakov təklif edib ki, ölkə ərazisində fast-fud reklamları alkoqol reklamı ilə eyniləşdirilsin.

Deputat hesab edir ki, bu mallar insan orqanizmi üçün ən azı spirtli içki qədər ziyandır.

"Yüksək şəkər, duz və yağlılıq miqdarı olan qida anlayışını dəqiqləşdirmək və mətbuatda, televiziya və radioda belə məhsulların reklamını 07:00-dan 22:00-a qədər məhdudlaşdırmaq lazımdır", - deyə o əlavə edib.

Şestakov təkliflərini artıq baxılması üçün Dövlət Dumasına təqdim edib. Bu siyahıya qazlı içkilər, çipslər, marqarin və şirniyyat məhsulları, o cümlədən bəzi növ ət məhsulları da daxildir.
loading...
 (Səs sayı: 0)
Müəllif: HuseyinAsiqi     Baxış sayi: 607     08.07.2015
Təşəkkür edənlər (0) | Təşəkkür et
Bu bölməyə aid digər xəbərlər
Bu qidaları birlikdə yemək olmaz! - FOTOLAR Günəbaxan tumu kökəldirmi?
Milli içkimiz ayranın bilmədiyiniz - Faydaları Uşaqlar üçün 10 ən faydalı qida
Mətbəximizdəki 6 TƏBİİ ANTİBİOTİK Dadlı ancaq zərərli qidalar
Təmiz süd şəfa mənbəyi imiş Ramazan sonrası necə qidalanmalı? – DİEOTOLO..
1 gün boyunca nə yeməliyik? – Qidalanma tövs.. Oruc tutanlar üçün sağlam qidalanma
Siz sayta qonaq kimi daxil olduğunuz üçün şərh edə bilməzsiniz. Xahiş edirik qeydiyyatdan keçin və saytın bütün bölmələrini görmə imkanını qazanın.
SAYTA GİRİŞ
İstifadəçi adı:
Parol:
            
Qeydiyyat
Şifrənizi unutmusunuz?

Hal-hazırda saytda
İstifadəçilər: 1
Qonaqlar: 88
Cəmi: 89
Bu gün saytda olanlar

Hal-hazırda saytda
sensen
Sorğu
Paltar Mağazasına Girsəydiz İndi Nə Alardız ?

Platya
Yubka
Kofta
Cins Şalvar
Pencək
Mini Yubka
Uzun Platya
Cins Pencək
Lasin
Şalvar
Şarf



Nəticələr
Başqa sorğu-suallar

Səs sayı: 114700
Sayğaclar



Mp3 yukle