Maşını, evi təmir etdirirsiz, lap yaxşı! Bəs özünüzü?..
08.04.2017   Bölmə: Sual və Problemləriniz
SU N.AZPsixologiya və Konsultasiya Mərkəzinin rəhbəri, tanınmış psixoloq Elnur Rüstəmovun Ailem.az-a məqaləsini təqdim edir.

Tez-tez belə bir sualla rastlaşırıq: İnsanın durumu sözlə düzələrmi? Problemi həll etmək üçün neçə seans gəlməliyəm? Nələr qazanacağam? Siz dərman yazırsınızımı? və s. Məqaləni bu suala veriləcək cavablar üzərində yazmağa qərar verdim.
 
Öncə onu qeyd edək ki, yaşadığımız dövr əvvəlkilərlə nisbətdə daha çox psixoloji gərginliyi, "ekzistensional boşluğu" ilə seçilir. Hər şey var, ancaq heç nə yoxdur. Bu varla yoxun arasında isə insan həyatı axır. Bu gün fiziki sağlamlıqdan daha vacib psixi sağlamlığımızdır. Həyat hər addımda bunu bir fakt kimi qarşımıza qoyur.
 
Sual olunur: Nə baş verdi? Nələr dəyişdi ki, psixi sağlamlıq əvvəlki dövrlərlə nisbətdə daha vacib oldu? Öncələrdə biz psixoloqsuz da keçinirdik. Heç bir problem də yaşamırdıq.
 
Bəli, doğru qeyd edirsiniz. Ancaq nəzərə alın ki, indi nə o nənə-baba, nə o ata-ana, nə də insanlararası real ünsiyyət qalıb. Hər kəs bu sürət əsrinin vintciyinə ilişib qalıb.



Sanki yerində sayır. Sosial şəbəkədə 1000-dən yuxarı dostu olanın real həyatda dərdləşməyə bir nəfəri belə yoxdu. Hər kəs öz mağarasına çəkilib qalıb. Kimsəyə dərdini açıb söyləyə bilmirsən. Fərdiləşmə, eqosentrizm özünəqapanmaya, sonda isə qeyd etdiyimiz psixoloji narahatlıqların artmasına gətirib çıxartdı. Bu narahatlıqları həll etmək, özünü bir fərd olaraq tanımaq, özündə hansı psixi proseslərin baş verdiyini dərk etmək, münasibətləri normaya salmaq (ailə, ata-ana, sevgi və s.) üçün insanlar psixoloq köməyindən faydalanırlar. Psixoloji konsultasiyaya qatılan insanın birmənalı şəkildə köməyə ehtiyacı var. Fərq etməz, problem onun özü ilə bağlıdır, yaxud da övladı, həyat yoldaşı, sevgilisi və s. Özünün həll etməkdə çətinlik çəkdiyi və bunu peşəkarın dəstəyi ilə aradan qaldırmaq istəyi onu psixoloji konsultasiyaya qatılmağa vadar edir. Sadəcə, bu gün konsultasiya prosesində problem yaradan məqam insanların çox vaxt psixoloq yardımından ən sonda faydalanmalarıdır ki, bu da konsultasiya prosesinin uzanmasına gətirib çıxarır. Əgər insanlar zamanında müraciət etsələr, problemin çözülməsinə 2-3 seans belə kifayət edər.
 
Sevdiyimiz, bizə zövq verən bütün şeylərə qarşı diqqətli oluruq, ona yatırım edirik; sürdüyümüz avtomobili həftədə azından 1 dəfə avtoyumaya aparırıq, ildə 1 dəfə də təmirə qoyuruq. Yaşadığımız evdə imkan olan kimi dəyişiklik edirik, qarderobu təzələyirik. Olsun. Bəs özümüzə necə, bu qədər diqqət edirikmi? İldə lap bircə dəfə psixoloq seansına qatılırıqmı? Yəqin əksəriyyət "xeyr" cavabı verəcək. Səbəbini "bunun mənə faydası olacaq?" düşüncəsi ilə əsaslandıracaq. Haqlıdır. Ancaq o halda ki, peşəkar psixoloqun seansına qatılsın və nəticə əldə etməsin, bundan sonra qeyd etdiyi fikri irəli sürsün.
 
Bəzən haqlı irad da irəli sürülür. Bunun da kökündə bir sıra özəl səbəblər durur. Nədir o özəl səbəblər? Bir şey nəzərə alınmalıdır ki, insan özü istəməsə, ona kimsə kömək edə bilməz. Lakin elə məqamlar da olur ki, insan özü müstəqil şəkildə düşdüyü situasiyadan çıxmaqda çətinlik çəkir. O zaman mütəxəssis dəstəyi əvəzedilməzdir. Zatən, psixoloq xüsusi söz istehsal etmir. Sadəcə, baş verən problem və situasiyanı daha obyektiv analiz edir və nədən qaynaqlandığı, çıxış yolunun nə olduğu üzərindən işlər aparır. Heç kim düşdüyü situasiyanı görmək iqtidarına malik olmur. Ona görə də bu istiqamətdə psixoloq dəstəyi əvəzedilməzdi. Problemə subyektiv yanaşma qüsurlu dəyərləndirmə ilə bitir. Bu olur. Təsəvvür edin, evdə bir təmir işi aparmaq lazımdır. Əgər mütəxəssis belə olmasanız, zaman sərf edib bunu öyrənə və sonda evinizi təmir edə bilərsiniz. Ortada böyük zaman itkisi olacaq. Ancaq bu iş mütəxəssisə həvalə edildiyi təqdirdə həm zamana qənaət etmiş olarsınız, həm də psixi durumunuz daha sabit qalacaq. Bu, bütün digər məsələlərə də şamil edilə bilər. Zatən insanın bacarmadığı şey yoxdur, istəmədiyi şeylər var. Sadəcə, bütün bunlar çoxlu zaman tələb etdiyindən mütəxəssisə həvalə edilir. Mütəxəssis isə problemi qısa zaman kəsiyində həll edib, sizlərin ixtiyarına buraxır. Psixoloq da insanın psixi həyatında baş verən narahatlığı analiz edir, problemin nədən qaynaqlandığını, həll yolunun nədən ibarət olduğunu pasiyentə çatdırır. Sonradan eyni problemlə pasiyent bir də qarşılaşarkən artıq özü-özünə yardımçı olur.
 
Həll olunmayan problem yoxdur, hər şey problemə yanaşma tərzindən asılıdır.
 
Baxdığınız yerdəsiniz! İstiqaməti doğru seçin. O zaman yaşamaq da sizə zövq verəcək. İstiqamətiniz mübarək!
loading...
Zengimcell yukle
 (Səs sayı: 0)
Müəllif: eLi12     Baxış sayi: 206     08.04.2017
Təşəkkür edənlər (0) | Təşəkkür et
Bu bölməyə aid digər xəbərlər
Sessiz ve yuxusuz geceler...? Sizlərə sualım var....
Sizin xasiyyetiniz necedi? SEÇİM SİZİNDİR :)))
Vacib - Xəbər . Sual və Problem Oğlanlara sualım var.
Və ümid bəzən insanın hər şeyidir. Utancaqlığınızı məğlub etməyin 10 yolu...
Yeniyetməlik dövrü.. Xeber Ardina Tenbeller
Siz sayta qonaq kimi daxil olduğunuz üçün şərh edə bilməzsiniz. Xahiş edirik qeydiyyatdan keçin və saytın bütün bölmələrini görmə imkanını qazanın.
SAYTA GİRİŞ
İstifadəçi adı:
Parol:
            
Qeydiyyat
Şifrənizi unutmusunuz?

Hal-hazırda saytda
İstifadəçilər: 3
Qonaqlar: 151
Cəmi: 154
Bu gün saytda olanlar

Hal-hazırda saytda
alywosyla
piohimihiert
Umutsuz
Sorğu
Paltar Mağazasına Girsəydiz İndi Nə Alardız ?

Platya
Yubka
Kofta
Cins Şalvar
Pencək
Mini Yubka
Uzun Platya
Cins Pencək
Lasin
Şalvar
Şarf



Nəticələr
Başqa sorğu-suallar

Səs sayı: 116453
Sayğaclar



Mp3 yukle