reklam
Leço resepti Leço resepti https://sun.az/uploads/posts/2024-06/1718089413_screenshot_20240611_105855_chrome.jpg
Diablo

Diablo Mətbəx 11-06-2024, 12:30

Leço resepti

Leço resepti
Qışa tədarük etməyə davam edirik. Növbəti reseptimiz qışda xanımların xilaskarı olan – LEÇO-dur. Leço-nu müxtəlif məqsədlərlə istifadə edə bilərsiniz. Bəzi yeməklərin yanında verə bilərsiniz, soyuq qəlyanaltı kimi leçonu sadəcə çörəklə də yemək olar və ya Leço-dan türkiyə mətbəxinin ləzzətli yeməklərindən olan “Menemen” də hazırlaya bilərsiniz.

Ərzaqlar
3 kq pomidor
2 kq qırmızı bibər
1 kq yaşıl bibər
4 ədəd acı bibər
1/2 kq soğan
1/2 kq yerkökü
250 ml duru yağ
5-6 ədəd dəfnə yarpağı
10-15 ədəd qara istiot
2 x/q duz
4 x/q şəkər tozu
3 x/q üzüm sirkəsi

Hazirlanması
İlk öncə bütün ərzaqlarımızı yuyub təmizləyirik.
Birinci soğanları doğrayın. Bütün soğanları uzunsov formada doğrayın. (şəkildəki kimi)
Daha sonra bu soğanları qazana töküb üzərinə 250 ml duru yağ əlavə edib biraz bişirin. Soğanın qızarmamasına diqqət edin.
Eyni qayda ilə yerkökülərini doğrayın. Soğanı təxminən 10 dəqiqə bişirdikdən sonra buraya yerkökülərini əlavə edin. Yerkökünü soğanla birlikdə təxminən 10-15 dəqiqə bişirin.

Bu müddətdə doğranmış pomidorları və acı bibərləri ət çəkən maşından çəkib kənara qoyun. Daha sonra bibərləri çox nazik olmadan uzunsov doğrayın.

Yerkökü təxminən 10-15 dəqiqə bişdikdən sonra buraya pomidoru əlavə edib 10-15 dəqiqə yenə bişiririk. Daha sonra bibərləri, duzu, qara istiotu, şəkər tozunu və dəfnə yarpağını əlavə edib 2 saat bişiririk.
Bişənə yaxın isə üzüm sirkəsini əlavə edib təxminən 15 dəqiqə bişirib sobanı söndürürük.

Hazır olan Leçomuzu isti-isti bankalara yığırıq.

Nuş olsun!

Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

Bəyən Sevgi Gülüş Şok Üzgün Əsəbi
31 48 29 14 24 27

Oxşar xəbərlər Digər trend xəbərləri

Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

Məlumat Hörmətli Qonaq, sizin qeydiyyatınız olmadığı üçün siz rəy yaza bilməzsiniz.Xahiş edirik qeydiyyatdan keçin.