Mənim darıxmağım sənə bənzəyir
Vədəsi bilinməz vaxtı bilinməz
Sənin günahın yox ürəyim deyir
Yetimin əzəldən bəxti bilinməz
Günahmı elədim sevirəm dedim
Xətrinə dəyəcək mən nə dedim ki
Yox idin o zaman mən mənim idim
İndi mən səninəm mən nə edim ki
Sən hələ bilmirsən alışmaq nədi
Tüstünü gözündən yaş etmək necə
Sevərək hicranla barışmaq nədi
Ət olan urəyi daş etmək necə
Bəzən sevənin də üzü qaradır
Həsrətin önündə əli yalındı
Bəzən möcüzəni sevgi yaradır
Bəzən də həsrətin səddi qalındı
Mənim darıxmağım sənə bənzəyir
Vədəsi bilinməz vaxtı bilinməz
Sənin günahın yox ürəyim deyir
Yetimin əzəldən bəxti bilinməz
Yetim Qacar
