Sən bir vəfasız çiçək
Sən bir vəfasız çiçək
Mən bir gül əzabkeşi.
Sən kəpənək oynaşı,
Mənimki hicran işi.
Sən bir əlçim ağ duman,
Küləklərdə daranmış.
Mən bir payız durnası,
Yol azıb yaralanmış.
Sən şehotu yarpağı,
İnci şehin nə yaxşı!
Mən bir kirpiyi yanmış
Üstündə hicran yaşı.
Sən qızılağac budağı,
Arxda çimib əylənən.
Mən bir səhra qurusu
Yanğılanıb söylənən.
Sən bir sarmaşıq bağı,
Hər ağaca sarmaşan.
Mən yarğanda kök atıb
Daş qayaya sarmaşan.
Sən bir bulaq yarpızı,
Güzgülənib tellənən
Mən bir ocaq daşıyam
Üstü yanıb küllənən.
Bizimki tutmaz,gözüm,
Bizimki tutmaz,canım.
Mən məhəbbət yorğunu,
Sən ədalı bir xanım.
-Musa Yaqub.
Mən bir gül əzabkeşi.
Sən kəpənək oynaşı,
Mənimki hicran işi.
Sən bir əlçim ağ duman,
Küləklərdə daranmış.
Mən bir payız durnası,
Yol azıb yaralanmış.
Sən şehotu yarpağı,
İnci şehin nə yaxşı!
Mən bir kirpiyi yanmış
Üstündə hicran yaşı.
Sən qızılağac budağı,
Arxda çimib əylənən.
Mən bir səhra qurusu
Yanğılanıb söylənən.
Sən bir sarmaşıq bağı,
Hər ağaca sarmaşan.
Mən yarğanda kök atıb
Daş qayaya sarmaşan.
Sən bir bulaq yarpızı,
Güzgülənib tellənən
Mən bir ocaq daşıyam
Üstü yanıb küllənən.
Bizimki tutmaz,gözüm,
Bizimki tutmaz,canım.
Mən məhəbbət yorğunu,
Sən ədalı bir xanım.
-Musa Yaqub.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
