HASANLY Sevgi 3-07-2019, 15:25

Ayrılıq

Ölümün ikinci formasıdır "ayrılıq"
Adi halda sən həyatı tərk edirsən,
ikinci halda həyat səni..
Eynidir sonucu- artıq səninlə bir arada deyil həyat..
Sənə görə yanımdaymış-bu həyat dediyim gözəgörünməz...
Mən də onun tərəfindən tərk edildim,
sən gedən gün...
Əgər görsən o həyatı,
bil ki,səni izləyir..
O da mənə dönəcək-sən dönəndə..
Əgər görsən bir həyat var sakinsiz,
Xəbər yetir mənə,tanıyıram bəlkə..
Əgər görsən bir həyət var,
bayquşlar ulayır-bil ki,ailə qurmuşam..
Əgər görsən,bir gül açıb tikanları yoxdu-
bil ki,qüruruma yalnız sən hörmətlə yanaşırdın..
Yox,əgər görsən bir saray var,
amma darvazası yoxdu-
bil ki,sevə bilmirəm heçkimi,səndən sonra..
Əgər görsən,bir ada var,dənizin ortasında-
bil ki,boğuluram sənsizliyin dəryasında..
Əgər görsən,qışda çiçək açıb bir ağac-
bil ki,yağışa nifrət edirəm səhrada...
Əgər görsən,qatarı pozub,
kənarda uçur bir durna-
bil ki,köçmüşəm bu şəhərdən..
Əgər görsən,yolundan çıxıb üstünə gəlir
uzaqdan bir qatar-
bil ki,yaşayış deyil mənimki,
xəyalınla sürünürəm,sadəcə...
Əgər görsən,bir başdaşı,
üzərinə həkk olunmuş bu şeirimi-
bil ki,heyfini çıxmışam həyat dediyim
gözəgörünməzin
görülməmiş vəfasızlığının heyfini...