Ulduz futbolçu əlehqazla gəzib, pusqu quracaq - Son Hın-Min orduda

İngiltərə Premyer Liqası koronavirus pandemiyasına görə dayandırıldığı üçün "Tottenhem"in futbolçusu Son Hın-Min ölkəsinə dönüb.

Loading.Az Sportfm.az-a xəbər verir ki, Cənubi Koreya millisinin üzvü karantin müddətində hərbi xidmətdə olacaq. 27 yaşlı hücumçu məcburi şəkildə 4 həftə xidmətdə olacaq. 

Yerli mətbuat Sonun ötən həftədən əsgərlik günlərinə başladığını yazıb. O, əlbəyaxa döyüş (sparrinq) və silah təlimində iştirak edib. Bundan əlavə, futbolçu ağırlığı 24 kq olan sursatla 7 km yürüş edib.

Ulduz futbolçu gözyaşardıcı qazların atıldığı binada əlehqazla gəzib, pusqu qurmağı, tikanlı məftillərdə sürünməyi öyrənəcək.