Sevən baxışlarım şeir deyilmi ?
Məndən sənə aid şeir istədin...
Mənim məhəbbətim şeir deyilmi?...
"Mən səni sevirəm" sözün demədim
Sevən baxışlarım şeir deyilmi?...
Mənim məhəbbətim şeir deyilmi?...
"Mən səni sevirəm" sözün demədim
Sevən baxışlarım şeir deyilmi?...
Ay məni özünə həsrətli qoyan,
Nisgili qəlbimə axıb damlayan,
Səndən ilham alan, səndən kam alan
Gizli arzularım şeir deyilmi?...
Nisgili qəlbimə axıb damlayan,
Səndən ilham alan, səndən kam alan
Gizli arzularım şeir deyilmi?...
Doyunca qoxlayıb iyin almadım.
Mən sənə vuruldum, bunu danmadım.
Qismətim sənsizlik olar sanmadım
Sənli xəyallarım şeir deyilmi?...
Mən sənə vuruldum, bunu danmadım.
Qismətim sənsizlik olar sanmadım
Sənli xəyallarım şeir deyilmi?...
Səndən şikayətim, səndən gileyim,
Yuxuna hər gecə gizli gəlməyim,
Səni yuxularda gəlib sevməyim,
Opən dodaqlarım şeir deyilmi?...
Yuxuna hər gecə gizli gəlməyim,
Səni yuxularda gəlib sevməyim,
Opən dodaqlarım şeir deyilmi?...
Sevgimi qəlbimdə qərib qoyanım,
Sənin həsrətinə necə dayanım?
Hicrində nə qədər alışım, yanım?
Bəs bu əzablarım şeir deyilmi?...
Sənin həsrətinə necə dayanım?
Hicrində nə qədər alışım, yanım?
Bəs bu əzablarım şeir deyilmi?...
Ayrılıq araya düşəndən bəri,
Gülüş dodağımdan küsəndən bəri,
Ümiddən əlimi üzəndən bəri,
Axan göz yaşlarım şeir deyilmi?...
Gülüş dodağımdan küsəndən bəri,
Ümiddən əlimi üzəndən bəri,
Axan göz yaşlarım şeir deyilmi?...
Həsrəti ömrümə yazdığın gündən
Küsmüşəm elə bil elə sözümdən.
Nə deyim, ne qoşum səndən, özümdən?
Susan kəlamlarım şeir deyilmi?...
Sevən baxışlarım şeir deyilmi?...
Küsmüşəm elə bil elə sözümdən.
Nə deyim, ne qoşum səndən, özümdən?
Susan kəlamlarım şeir deyilmi?...
Sevən baxışlarım şeir deyilmi?...
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
