Sən əvəzedilməzsən

Sən elə bir hissən ki - onu adlandıra bilmirəm. Bir az kədərsən, bir az sevincsən, bir az bədbəxtliksən, bir az xoşbəxtliksən, bir az peşmançılıqsan.

Sən elə bir ətirsən ki – o ətrin tayı bənzəri yoxdur mənim üçün. O yalnız məndə var və mən də istifadə etməyə belə qıymıram.

Sən elə bir nəğməsən ki – dinlədikcə səni doymuram, hər gecə, hər səhər, hər yerdə dinləmək istəyirəm səni.

Sən elə bir rəsm əsərisən ki – kənardan kimsə baxsa anlamaz nə çəkildiyini, hətta dahi rəssam belə. Çünki o rəsmi mən yaratmışam öz sevgimlə. Və onu yalnız mən anlaya bilərəm.

Sən elə bir ağacsan ki – bütün ağaclar qibtə edir sənə, çünki sənə göstərdiyim qayğını heç birinə göstərmirəm.

Sən elə bir kitabsan ki – oxuduqca səni çox dərinlərə dalıram, hər dəfə yeniliklər kəşf edirəm öz içimdə.

Sən elə bir meyvəsən ki – sənin dadını heç bir meyvə verə bilməz, axtarsan heç bir çürük tapmazsan içində.

Sən elə bir filmsən ki – baaxdıqca sənə darıxmıram, sonluğunu bilmək istəmirəm əvvəlcədən, bitməyini istəmirəm. Bax bu qədər maraqlısan mənim üçün.