Real Madrid-dən 31:0 hesablı qələbə

Real Madrid-in U-9 komandası Villavarde klubunu 31:0 hesabıyla məğlub edib.

Loading.az xəbər verir ki, “kral klubu” rəqibinə hörmət məqsədiylə oyunun nəticəsini rəsmi saytında qeyd etməyib.

Lakin Villavarde klubu sosial şəbəkə hesabında oyunun nəticəsini paylaşaraq, Real-ı tənqid edib. Paylaşımda bunlar da qeyd olunub:

“Aşağı yaş qruplarında qeydə alınan belə nəticələrə qəzəbimizi göstərmək istəyirik. Böyük klublar aşağı yaş qruplarında belə nəticələrdən çəkinməlidirlər. Bundan başqa, federasiya da liqaların təşkilini yenidən nəzərdən keçirməlidir”.