Kır_papatyası Mətbəx 3-01-2021, 18:00

Çiyelekli tort resepti

Tərkibi:

Xəmir üçün:

100 q kərə yağı
100 q şəkər tozu
1 yumurta
100 q un
1/2 ç.q. qabartma tozu
vanil
1 çimdik duz

Krem üçün:

18 q jelatin
600 ml yoqurt
150 q şəkər tozu
1/2 limon şirəsi
400 q çiyələk

Jele üçün:

150 q çiyələk
50 q şəkər tozu
1 ç.q. jelatin

Hazırlanması:

Yumurtanı şəkər tozu və duzla çalın. Yumşaldılmış kərə yağı, vanil əlavə edərək yenə çalın. Qabartma tozu ilə qatıb yaxşıca qarışdırın.
Kərə yağı ilə yağlanmış siniyə töküb 20-30 dəqiqə 180 dərəcə qızdırılmış sobada bişirin. Soyudun.
Çiyələyi blenderdə şəkər tozu əlavə etməklə əzin. Sonra bir qaba tökün. Suda əridilmiş jeleni nazik axınla əlavə edib çalın. Korjun üzərinə çəkin. Soyuducuya qoyun.
Krem hazırlamaq üçün stəkana azca su töküb içində jelatini əridin. Yoqurtu şəkər tozu, limon şirəsi ilə çalın. Sonra suda həll edilmiş jelatini əlavə edib yaxşıca qarışdırın və soyuducuya qoyun.
Yuyulub qurudulmuş çiyələkləri yarı bölün.
Korju soyuducudan çıxarın, çiyələkləri üstünə düzün. Çiyələyin üstünə krem çəkin. Tortun üstünü çiyələyin qalanı ilə bəzəyin.

Nuş olsun!