Hər dərdə dərman: çobanyastığı çayının gücü

20 ildən çoxdur ki, çobanyastığı çiçəyi üzərində aparılan tədqiqatlar nəticəsində, onun faydaları sübut olunub. Bu faydalı bitki istehsal olunan bir çox dərmanın əsas tərkib hissələrindən biridir.

Çobanyastığı çayı dünyanın əksər ölkələrində müxtəlif xəstəliklərin müalicəsində ən çox istifadə edilən bitki mənşəli çaylar arasındadır.

Loading.az xəbər verir ki, ABŞ-ın "Herb Research Foundation" qurumunun verdiyi açıqlamaya görə, dünya üzrə hər gün 1 milyon stəkan çobanyastığı çayı istehlak edilir.
O, yüksək fosfor tərkibi sayəsində, sümüklərin güclənməsini təmin edir.
Yuxusuzluğu aradan qaldırır.
Dəri xəstəliklərinin müalicəsində istifadə edilən effektli vasitədir.
Yeməklərdən sonra həzmi yüngülləşdirir.
Qastritin müalicəsində istifadə edilir.
Stress və gərginliyi azaldaraq, bədənə rahatlıq gətirir.
Bağırsaq problemlərini aradan qaldırır. Bağırsaq iltihablarını sağaldır.
Menstruasiya ağrılarını yüngülləşdirir.
Kürək və bel ağrılarını azaldır.
İmmunitet sistemini gücləndirir.
Çobanyastığı çayının hazırlanma qaydası:
Çobanyastığı çayı hazırlamaq üçün 2-3 xörək qaşığı qurudulmuş otun üzərinə yarım litr qaynamış su əlavə edərək, 3-5 dəqiqə dəmlənməsini gözləmək kifayətdir. Daha sonra çobanyastığını süzərək çayı için. İçinə bir çay qaşığı bal və ya bir neçə damcı limon əlavə etmək olar. Yeməkdən bir saat sonra içmək tövsiyə olunur.(xezerxeber)