"Bavariya" Almaniya Kubokunu darmadağınla tərk edib
Almaniya Kubokunun 1/16 finalında Mönxenqladbax "Borussiya"sı və "Bavariya" arasındakı oyun sensasiya ilə yekunlaşıb.
"Loading.az"in məlumatına görə, "Borussiya Park" stadionunda təşkil olunmuş qarşılaşmada meydan sahibləri 5:0 hesablı qələbə qazanıb.
Qolları Kuadio Kone 2-ci, Rami Bensebaini 15-ci və penaltidən 21-ci, Bril Embolo 51-ci və 57-ci dəqiqələrdə vurub.
Beləliklə, "Bavariya" ardıcıl ikinci mövsüm Almaniya Kuboku ilə ikinci raundda vidalaşıb. Ötən mövsüm "Holştayn Kil" komandası Münhen təmsilçisini penaltilər seriyasında üstələmişdi - 2:2 (penaltilərlə 6:5).
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
