Məni, xoşdur baxışından asıb edam edəsən !
Sonra hər gün baxıb əhvalıma, bayram edəsən!

Ye səhərlər gözümün qarasını,nuşi-canın
Verərəm axşam özüm ağlarını, şam edəsən!

Tellərindən asılıb qalmağım əyləncə deyil Çəkdikcə  dara məni gündüzü axşam edəsən .

  İstəyim, Tanrı ,budur səndən o cəllad mələyi
Əbədi  tək  məni edam üçün  ezam edəsən .

Kirpiyindən əgər illərlə asılsam   qalsam
Ölərəm,  istəmərəm halıma əncam edəsən.

Bezmərəm, ac-yalavac hey dolaşam çöhrəndə
Bəs edər  bircə təbəssüm mənə ənam edəsən.

Xoşdursa ,Qəhrəman, ölmək o baxışlarda sənə
Gərək öz  qatilinə hər gün ehtiram edəsən!

Qəhrəman Kamiloğlu.
27.08.2020.