"Qalib olmağa layiq idik" - Ançelotti

Real Madrid-in baş məşqçisi Karlo Ançelotti Çempionlar Liqasının finalında Liverpool-a qalib gəldikləri oyun (1:0) haqda danışıb.

Loading.az xəbər verir ki, italiyalı mütəxəssis bunları deyib:

“Buna inana bilmirəm. Fantastik mövsüm keçirdik. Çətin oyun oldu və xüsusilə, birinci hissədə çox əziyyət çəkdik. Hesab edirəm ki, biz bu turnirdə qalib olmağa layiq idik. Oyun boyu azarkeşlər bizə çox kömək etdilər. Biz xoşbəxtik, onlar da xoşbəxtdirlər”.

Qeyd edək ki, Karlo Ançelotti karyerasında 4-cü (İkisi Milan-la, ikisi Real-la), Real isə tarixində 14-cü dəfə ÇL-in qalibi olub.