Göz altı qırışlar üçün xalq vasitələri

Göz ətrafındakı dərini nəmləndirmək üçün, fırça ilə yumurta sarısı çəkin və 15-20 dəqiqə sonra ilıq su ilə yuyun. Artıq sizin gözünüzün altında qırışlar varsa,onda bərabər nisbətdə bitki yağı ilə yumurta sarısını qarışdırıb gözünüzün altına çəkin, 15-20 dəqiqə sonra ilıq su ilə yuyun.

* * * * *
Çörək və süd göz altında olan qırışların qarşısını almaq üçün çox effektiv bir xalq vasitəsi sayılır. Ağ çörək qırıntılarının üzərinə süd əlavə edib maska etmək mümkündür. Qırıntıları süd ilə isladın və göz ətrafı dəriyə cəkin. 15-20 dəqiqə saxlayın. Masqanı nəm pambıqla silin.

* * * * *
Əgər gözünüzün altında qırışlar varsa, onların qarşısını almaq üçün ən effektiv yollarından biri də aloye şirəsi hesab edilir. Aloye şirəsini çıxarmaq üçün onun yarpaqlarından istifadə olunur. Aloye bitkisinin yarpağı kəsilir, yuyulur və sonra qırışlara şirəsi maska kimi istifadə olunur. Başqa bir üsul: yarpaq kəsilir, yuyulur, soyuducuya qoyulur. Sonra yarpağın üstünü soyub, içinin lətini istənilən bitki yağı ya da efir yağı (şaftalı, ərik, badam, gül və s) ilə qarışdırılır və yüngül masaj hərəkətləri ilə gözətrafı qırışlara istifadə olunur.