Onların hər ikisi yanaşı olacaq inşaAllah. Yəni İmam Mehdi (ə) zühur edəcək, Allah tərəfindən Ona tapşırılan missiyanı həyata keçirməyə başlayacaq, zülmün kökünü kəsib, ədaləti bərqərar edəcək. Bu işdə Həzrət İsa Peyğəmbər (ə) o həzrətə yardım göstərəcək. İslam əqidəsinə görə Həzrət İsa (ə), Onu öldürmək istəyənlərin əlindən xilas olub, Allah tərəfindən səmaya qaldırılıb və diridir. Şiə rəvayətlərində bildirilir ki, Həzrət İsa (ə) İmam Mehdinin (ə) imamlığı ilə qılınan camaat namazına qatılacaq, yəni İmam Mehdiyə (ə) iqtida edəcək. Hədislərdə bu da buyurulur ki, İmam Mehdinin (ə) apardığı müqəddəs müharibədə İsa Peyğəmbər (ə) xristianların düz yola gətirilməsində yaxından iştirak edəcək. Xristianların bir qismi məhz Onun təbliğatı nəticəsində haqqı qəbul edib, İmam Mehdiyə (ə) tabe olacaq.
Redaktə etdi: Lola
