Meryem ve islam

Sual : Xanım Məryəm (ə) islami mənbələrdə necə tanıtdırılır?
Qısa cavab:
Ətraflı cavab:
Qurani-Kərim Məryəmi (ə) Allah tərəfindən seçilmiş pak və ismətli qadın, əsrinin qadınlarının ən yaxşısı, möminlərin nümunəsi, abid qız, doğru danışan (siddiqə) və mələklərlə söhbət edən (mühəddisə) bir insan kimi təqdim etmişdir.
Quran ayələri Məryəmin (ə) İslam nöqteyi-nəzərindən mövqeyini aydın formada belə təsvir edir:

وَ إِذْ قالَتِ الْمَلائِکَةُ یا مَرْیمُ إِنَّ اللّهَ اصْطَفاکِ وَ طَهَّرَکِ وَ اصْطَفاکِ عَلى نِساءِ الْعالَمینَ * یا مَرْیمُ اقْنُتی لِرَبِّکِ وَ اسْجُدی وَ ارْکَعی مَعَ الرّاکِعینَ
"Və (yada sal) o zaman(ı) ki, mələklər dedilər: "Ey Məryəm, həqiqətən, Allah səni seçib, paklaşdırıb və aləmdəki bütün qadınlardan üstün edib. Ey Məryəm, (bu nemətin şükürü olaraq) öz Rəbbinə təvazökarlıq et, səcdə et və ruku edənlərlə birgə ruku et."" (1)
Məryəm (ə) pərvərdigarının ibadətinə böyük məhəbbət bəsləyirdi. İmam Sadiqin (ə) dediyinə görə Məryəm (ə) iki gün oruc tutar və bir gün yemək yeyərdi. (2) Rəvayətə görə həzrət İsa (ə) anasından sonra onun məzarı üzərinə gəldi və onunla belə danışdı: "Ana, mənimlə danış, dünyaya qayıtmaq istəyirsənmi?" Məryəm (s) dedi: "Bəli, qayıtmaq istəyirəm. Qışın şaxtalı gecələrində Allaha namaz qılmaq, isti günlərdə oruc tutmaq üçün qayıtmaq istəyirəm. Övladım, bu yol çox qorxuludur."
Quranda, Məryəm (ə) cinsi günahlardan çəkindiyinə görə ismət nümunəsi kimi göstərilmiş və vəd olunmuş Məsihin (ə) anası olmağa layiq görülmüşdü: