Dünya çempionatının formatı DƏYİŞDİ
Beynəlxalq Futbol Federasiyası (FİFA) 2026-cı ildə keçiriləcək dünya çempionatının formatını təsdiqləyib.
LoaDinG.aZ xəbər verir ki, bu barədə FİFA-nın mətbuat xidməti məlumat yayıb.
Çempionatda 48 komanda iştirak edəcək.
Komandalar 12 qrupa bölünəcək.
Qrup mərhələsindən sonra 1/16 finala birinci, ikinci yerlər və qrupda üçüncülüyü qazanmış səkkiz ən yaxşı komanda çıxacaq.Ümumilikdə turnir 104 qarşılaşmadan ibarət olacaq.
Turnir 56 gün davam edəcək.
Final matçı 2026-cı il iyulun 19-na təyin edilib.
2026-cı il futbol üzrə dünya çempionatı ilk dəfə üç ölkədə - Kanada, ABŞ və Meksikada keçiriləcək.
Xatırladaq ki, 2017-ci ildə FİFA 2026-cı il dünya çempionatında ilk dəfə 48 komandanın iştirak edəcəyini açıqlamışdı.
Əvvəllər dünya çempionatlarında 32 komanda iştirak edirdi.
Turnir 64 görüşdən ibarət idi.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
