Niyə insanlar mübahisə edən zaman səslərini ucaldırlar? Çox müdrik məsəl!

Müəllim bir dəfə şagirdlərindən soruşdu:
- İnsanlar mübahisə edəndə onlar nə üçün qışqırır?

- Çünki, sakitliklərini itirirlər – bir nəfər dedi.

- Əgər digər bir adam sənin yanındadırsa, qışqırmaq nəyə lazımdır? – müəllim soruşdu, - onunla sakit danışmaq olmaz? Əsəbisənsə, niyə qışqırmalısan?

- Şagirdlər öz cavablarını təklif edirdi, lakin bunların heç biri müəllimi qane etmədi. Nəhayət, o izah etdi:

- İnsanlar bir-birindən narazı olanda və mübahisə edəndə, onların qəlbləri uzaqlaşır. Bu məsafəni ört-basdır etmək və bir-birini eşitmək üçün onlar qışqırmalı olurlar. Onlar nə qədər əsəbidirlərsə, bir o qədər də bərk qışqırırlar.

- İnsanlar aşiq olanda nə baş verir? Onlar qışqırmır, əksinə, sakit danışırlar. Çünki onların qəlbləri bir-birinə çox yaxındır, aralarındakı məsafə də olduqca kiçikdir.

- Daha güclü aşiq olanda nə baş verir? – Müəllim davam etdi, - Onda insanlar danışmır, ancaq pıçıldaşırlar və öz sevgisində daha da yaxın olurlar. Sonunda onların pıçıldaşmasına belə gərək qalmır. Onlar yalnız bir-birinə baxır və hər şeyi sözsüz başa düşürlər. İki sevən insan birlikdə olanda belə olur.

- Beləliklə, mübahisə edəndə qəlblərinizin bir-birindən ayrılmasına imkan verməyin, aranızdakı məsafəni daha da çoxaldan sözlərdən istifadə etməyin. Çünki, məsafənin o qədər böyük olduğu gün gələr ki, geriyə dönüş yolunu tapa bilməzsiniz.