Ey Həyat , Sən nə qəribəsən? | Cabir Novruz

Həyat necə qəribəsən.
Gecə əsən küləyinlə,
Gündüz qızmar günəşinlə.
Həyat necə qəribəsən?


Asta asta guruldayan.
Qəfil çaxan şimşəyinlə.
Gecələri aylı səma
Tək tək yanan ulduzunla.

Həyat necə qəribəsən.
Lal tək baxan dənizinlə.
Aldadaraq qucaqlayan.
Qəfil udan fırtınanla.

Həyat necə qəribəsən.
Düşman ikən dost sandıran.
Acı ikən şirin deyən.
Hər halına saf tək güvən,
Hiylən ilə qəribəsən.