ice berg İslam Dini 9-03-2024, 17:22

İslamda əlli dörd fərz

Etiqad, əməl və əxlaq məsələlərində İslamın əsas prinsiplərini müsəlmanlara öyrətməyi asanlaşdırmaq məqsədilə İslam alimlərinin Qurani-kərimdən və sünnədən çıxardıqları bəzi əmr və qadağanlardır. Bunları aşağıdakı 54 maddə halında toplamışlar:

1. Allahın varlığına və birliyinə inanmaq;

2. Halal yeyib-içmək;

3. Qüsl almaq;

4. Dəstəmaz almaq;

5. Beş vaxt namaz qılmaq;

6. Ruzini verənin Allah-təala olduğuna inanmaq;

7. Halal və təmiz paltarlar geyinmək;

8. Allaha təvəkkül etmək;

9. Qənaətkar olmaq;

10. Verdiyi nemətlərə görə Allaha şükr etmək;

11. Allahın verdiyi hökmə (qəza-qədərə) razı olmaq;

12. Allahdan gələn bəlalara səbr etmək;

13. Günahlardan ötrü tövbə etmək;

14. Allah rizası üçün ibadət etmək;

15. Şeytanı düşmən bilmək;

16. Quranın hökmünə razı olmaq;

17. Ölümün haqq olduğuna inanmaq;

18. Allahın dostları ilə dost, düşmənləri ilə düşmən olmaq;

19. Ana-ata ilə yaxşı davranmaq;

20. Yaxşı əməllərə dəvət edib, pis işlərdən çəkindirmək;

21. Qohum-əqrabanı ziyarət etmək;

22. Əmanətə xəyanət etməmək;

23. Allahın qəzəbindən qorxaraq, həddi aşmağı və pozğunluğu tərk etmək;

24. Allaha və Rəsuluna itaət etmək;

25. Günahlardan çəkinib, ibadətlərlə məşğul olmaq;

26. İdarəçilərə itaət etmək;

27. Aləmə ibrət nəzəri ilə baxmaq;

28. Allah-təalanın varlığı barədə düşünmək;

29. Dilini hər cür pis sözdən qorumaq;

30. Qəlbi təmiz saxlamaq;

31. Heç kimi məsxərəyə qoymamaq;

32. Harama baxmamaq;

33. Verdiyi sözə sadiq qalmaq;

34. Qulağını pis sözləri eşitməkdən qorumaq;

35. Elm öyrənmək;

36. Çəkidə və ölçüdə aldatmamaq;

37. Allahın əzabından daim qorxmaq;

38. Zəkat vermək və yardım göstərmək;

39. Allahın rəhmətindən ümid kəsməmək;

40. Nəfsinin istəklərinə tabe olmamaq;

41. Allah rizası üçün kasıblara yemək vermək;

42. Kifayət edəcək qədər ruzi qazanmaq üçün çalışmaq;

43. Malının və hər cür qazancının zəkatını vermək;

44. Aybaşı və nifas halında olan xanımı ilə cinsi münasibətdə olmamaq;

45. Qəlbini günahlardan təmizləmək;

46. Təkəbbürdən uzaq olmaq;

47. Yetkinlik yaşına çatmamış yetimin malını qorumaq;

48. Ləvatdan və hər cür cinsi pozğunluqdan çəkinmək;

49. Beş vaxt namazı vaxtında qılıb, qəzaya qoymamaq;

50. Nahaq yerə heç kəsin malını yeməmək;

51. Allah-təalaya şərik qoşmamaq;

52. Zinadan çəkinmək;

53. Şərab kimi məstedici içkiləri içməmək; 54. Lüzumsuz və yalan yerə and içməmək.