Kanselu 6-cı Avropa çempionatına qatılan Ronaldu barədə: "Bizim liderimiz və kapitanımızdır"

Portuqaliya millisinin sağ cinah müdafiəçisi Joao Kanselu AVRO-2024-ə qatılan 39 yaşlı komanda yoldaşı Kriştianu Ronaldunun turnirdəki iştirakından danışıb.

Müdafiəçi qeyd edib ki, Ronaldunun altıncı dəfə Avropa çempionatına qatılması onun zəhmətinin və istedadının göstəricisidir.

"Ronaldu bizim liderimiz və kapitanımızdır", - deyə "Mançester Siti"nin müdafiəçisi vurğulayıb.

İyunun 14-də Almaniyada start götürən 2024-cü il Avropa çempionatında Portuqaliya millisi Çexiya, Türkiyə və Gürcüstan milliləri ilə eyni qrupda çıxış edəcək. Kriştianu Ronaldunun komandası Avro-2024-ün açılış matçını iyunun 18-də Çexiyaya qarşı keçirəcək.