Qəzzada ölənlərin sayı 40 min 819-a çatıb

İsrailin 333 gündür hücumlarını davam etdirdiyi Qəzzada ölənlərin sayı 40 min 819-a çatıb. Sun.Az xəbər verir ki, qəzzada Səhiyyə Nazirliyindən verilən açıqlamada İsrailin 333 gündür Qəzza zolağında həyata keçirdiyi hücumlarla bağlı məlumat verilib.

İsrail ordusunun son 24 saatda Qəzza zolağının müxtəlif bölgələrində 3 qırğın həyata keçirdiyi və bu hücumlarda daha 33 fələstinlinin həyatını itirdiyi, 67 fələstinlinin isə yaralandığı bildirilib.

İsrailin oktyabrın 7-dən etibarən Qəzza zolağına təşkil etdiyi hücumlarda ölənlərin sayının 40 min 819-a, yaralıların sayının isə 94 min 291-ə yüksəldiyi qeyd edilib.