Ronaldunun çıxış etdiyi klubun yeni baş məşqçisi kim olacaq?

Italiyalı Stefano Pioli portuqaliyalı hücumçu Kriştianu Ronaldunun çıxış etdiyi Səudiyyə Ərəbistanının "Ən-Nəsr" futbol klubunun yeni baş məşqçisi olacaq.

Loading.Az bu barədə "championat"a istinadən xəbər verir.

Məlumata görə, hazırda komandaya rəhbərlik edən Luiş Kaştru tezliklə klubdan ayrılacaq.

Səudiyyə Ərəbistanı çempionatında "Ən-Nəsr" cari mövsümə bir qələbə və bir heç-heçə ilə başlayıb və iki turdan sonra turnir cədvəlində beşinci yeri tutur.

Yerli Superkubok finalında Kaştrunun komandası "Əl-Hilal"a 1:4 hesabı ilə məğlub olub.

Əvvəllər Pioli 2019-cu ilin oktyabrından "Milan"da işləyib, onun rəhbərliyi altında komanda 2021/22 mövsümündə A Seriyasını qazanıb və növbəti mövsümdə Çempionlar Liqasının yarımfinalına çıxıb.