Telefonunu təmir etdirmək istədi baltalandı

Türkiyənin İnegöl bölgəsində telefonunu təmir etdirən şəxs ustaya yaxınlaşaraq təmirdən narazı qaldığını bildirib. Sun.Az türk mediasına istinadən xəbər verir ki, bu zaman müştəri və usta arasında dava baş verib.

Davada baltadan istifadə edən telefon ustası müştərini yaralayıb. Hadisəyə müdaxilə edən polis əməkdaşları telefon təmirçisini həbs edib.

Zərərçəkmiş isə təcili yardım vasitəsilə xəstəxanaya yerləşdirilib. Hazırda hadisə ilə bağlı araşdırmalar aparılır.