Apple süni intellektə daha bir milyard dollar xərcləyəcək

Apple korporasiyası süni intellekt xidmətləri üçün serverlərə təxminən bir milyard dollar xərcləyəcək.

Bu barədə İnvestor's Business Daily (IBD) məlumat yayıb.

Biznes media orqanı Loop Capital analitiki Anand Baruanın hesabatına istinadən xəbər verir. Ekspertin sözlərinə görə, Apple Nvidia-dan süni intellekt ehtiyaclarına xidmət etmək üçün serverləri təxminən bir milyard dollara alacaq.

Sifariş Nvidia GB300 NVL72 hesablama sistemlərindən ibarət olacaq - buraya hər birinin dəyəri 3,7-4 milyon dollar olan 250 server daxil olacaq.

Bu, Amerika İT nəhənginin süni intellektə yatırdığı ilk böyük investisiya deyil. Beləliklə, fevralın sonunda Apple növbəti dörd il ərzində ABŞ iqtisadiyyatına 500 milyard sərmayə qoyacağını vəd etmişdi. Xüsusilə, pul Hyustonda süni intellekt üçün serverlər istehsal edəcək obyektə xərclənəcək.

Anand Baruah qeyd edib ki, Apple rəqiblərindən geri qaldığı üçün süni intellekt sənayesinin inkişafına böyük sərmayə qoymalıdır.

Güman edilir ki, əlavə serverlər “Apple Intelligence” neyron şəbəkəsi xidmətinin işini təkmilləşdirəcək.

Sonda Loop Capital analitiki investorlara Apple səhmlərini saxlamağı və onların böyüməsinə ümid edərək Nvidia, Dell və Supermicro səhmlərini almağı tövsiyə edib.

Martın sonunda Apple-ın baş direktoru Tim Kuk Çinin DeepSeek süni intellekt (AI) modelini yüksək qiymətləndirdi. Kuk DeppSeek-i əla model adlandırsa da, niyə bu qənaətə gəldiyini açıqlamayıb.