Sincaplar necə heyvanlardır?

Sincaplar kiçik, çevik və ağıllı gəmirici heyvanlardır. Onlar əsasən meşələrdə, parklarda və bağlarda yaşayırlar. Bədənləri tüklü, quyruqları isə uzun və sıx tüklərlə örtülüdür. Bu quyruq onlara həm balans saxlamaq, həm də soyuq və istidən qorunmaq üçün kömək edir. Sincaplar adətən qoz, fındıq, toxum və meyvələrlə qidalanırlar.

Loading.aZ sincaplarla bağlı məlumatları sizə təqdim edir:

Gündüz aktiv olan bu heyvanlar, ağaclara sürətlə dırmaşmaq və yüksəkdən tullana bilmək qabiliyyəti ilə tanınırlar. Çox güclü yaddaşları var – payızda torpağa basdırdıqları qidaların yerini aylarla unutmurlar. Eyni zamanda, uçan sincablar da var ki, bu növlər bədənlərinin iki yanında yerləşən dərili membranlarla ağacdan ağaca süzərək hərəkət edirlər. Sincaplar çox sosial olmasalar da, təhlükə anında bir-birlərinə xəbərdarlıq etmək üçün səs siqnallarından və quyruq hərəkətlərindən istifadə edirlər. Onların kəsici dişləri daim uzanır, buna görə də sərt qidalarla onları daim itiləməyə ehtiyac duyurlar.

Yemək "əkinçiləri"dirlər

Sincaplar qoz-fındıq kimi yemləri toprağa basdırır və bəzən onları unudurlar. Bu unutqanlıq sayəsində meşələrin bərpasında rol oynayırlar, çünki həmin toxumlar cücərir və yeni ağaclara çevrilir.

Yaddaşları çox güclüdür

Unudanlar olsa da, bir çox sincab növü çox güclü məkan yaddaşına malikdir. Minlərlə toxumun yerini aylarla xatırlaya bilirlər.

Sıçrama bacarıqları əladır

Sincaplar öz boylarından 10 qat uzağa tullanmaq qabiliyyətinə malikdirlər. Bu, onlara ağacdan-ağaca rahat keçmək imkanı verir.

Çoxlu növləri var

Dünyada təxminən 200-dən çox sincab növü mövcuddur. Onlar əsasən 3 qrupa bölünür: ağac sincabları, yer sincabları və uçan sincablar.

Uçan sincablar əslində uça bilmir

Uçan sincablar qanadlı deyil – onların bədəninin iki tərəfində dəridən ibarət bir "membran" var. Bu membran vasitəsilə sürüşərək bir ağacdan digərinə keçirlər.

Düşmələrdən qorunma instinktləri güclüdür

Hətta 20-30 metrlik hündürlükdən düşsələr belə, sincablar bədənlərini geniş yayaraq hava müqavimətini artırır və çox vaxt sağ qalırlar.

Gündəlik həyatları çox fəaldır

Sincaplar günün böyük bir hissəsini yemək axtarışında keçirir. Yaz və payız aylarında isə xüsusilə aktiv olurlar, çünki qış üçün ehtiyat yığırlar.

Ünsiyyət formaları müxtəlifdir

Onlar səsli siqnallar, quyruq hərəkətləri və bədən dili ilə bir-birilərinə xəbərdarlıq və ya siqnal verirlər. Xüsusilə təhlükə anlarında bu ünsiyyət çox vacib olur.

İti dişləri daim uzanır

Sincabların kəsici ön dişləri daim uzanır. Onlar bu dişləri qoz-fındıq və digər sərt qidaları gəmirərək daima itiləyirlər. Təhlükə anında quyruqlarını "yaylıq" kimi istifadə edirlər Quyruqları onları istidən və soyuqdan qoruyur, balans üçün kömək edir və təhlükə zamanı "yaylıq" kimi gizlənmək üçün istifadə oluna bilər.