Üç dostdan birinə söykənirik biz

Üç dostdan birinə söykənirik biz:

Ümid — qoyur intizarda 

adamı tez-tez.

Demir ki,

həsrətli gözlərin çoxu

mənim hesabıma görür

                              hələ də.

Sanki doğulurlar insanlar yenə,

ümidlə başlayan bu mərhələdə.

Bizə bir ikinci yoldaş da lazım;

Biz onun adına 

«Qismət» deyirik.

Ən çətin bir anda

olur insanların imtahanında.

Sınağa çəkilir insan qədərlə,

Sonra yaşamalı olur

kədərlə...

Qismətdən yapışan iki əllidir,

amma

boş ümiddir,

boş təsəllidir...

Son çarə olaraq üzümüzü biz,

Tuturuq 

inamın yoluna tərəf.

İnamla doğrulub 

                             gələcəyimiz!

İnamla yorğulub 

                            öz gəncliyimiz!

İnam — 

səadətə aparan cığır,

İnam — 

ürəklərin xoş aramıdır.

İnamla açılır hər bağlı qapı!

İnamsız yaşasan, 

                       «QAPI BAĞLIDIR!»

#ƏliXankişiyev