Tesladan bəd xəbər - Optimusun istehsalı dayandırıldı

Elektrikli avtomobil istehsalçısı olan Tesla, şirkəti dizayn problemləri səbəbilə insanabənzər robot Optimusun kütləvi istehsalını müvəqqəti olaraq dayandırdığını açıqlayıb.

Loading.aZ xəbər verir ki, layihə, xüsusilə əllərin və qolların dizaynında əhəmiyyətli problemlərə görə qrafikdən geri qalıb.

“The Information”a görə, Tesla mühəndisləri insan əlinə bənzər elastik və çevik mexanizm hazırlamaq üçün mübarizə aparırlar.

Bu, istehsalın müvəqqəti dayanmasına səbəb olub və şirkətin anbarlarında əlləri və qolları olmayan çoxlu sayda robot gövdəsi topladığı bildirilir.

İstehsalın nə vaxt bərpa ediləcəyi ilə bağlı bir tarix verilməyib.

Bu texniki problemlərə görə Tesla 2025-ci ilin sonuna qədər 5000 Optimus robotu istehsal etmək hədəfini 2000 ədədə endirmək məcburiyyətində qalıb.