Rəsmilər işə qarışdı, Hasan Can üzr istədi

Komediya aktyoru Hasan Can Kayanın iki il əvvəl "Konuşanlar" verilişində etdiyi İsa peyğəmbərlə bağlı bənzətmə sosial mediada yenidən gündəmə gəlib.

Loading.Az xəbər verir ki, sözügedən zarafat izləyicilər arasında narazılığa səbəb olub və məsələ böyüyüb. Mövzuya Prezidentin Baş müşaviri Oktay Saral da münasibət bildirib. O paylaşımında Hasanın ifadələrini tənqid edib və bunun dini dəyərlərə hörmətsizlik kimi qəbul oluna biləcəyini vurğulayıb.

Artan tənqidlərdən sonra Hasan Can Kaya açıqlama yayaraq üzr istəyib. O zarafatının heç bir inanca və ya müqəddəs dəyərə qarşı olmayığını deyib və yaranan narazılığın onu məyus etdiyini bildirib. O, gələcəkdə bu cür anlaşılmazlıqların olmaması üçün daha diqqətli olacağını qeyd edib.