“Real” onu klubun "irsi" hesab edir

Madridin "Real" klubu və hücumçu Vinisius Junior 2027-ci ilin yayında başa çatan müqavilənin uzadılması ilə bağlı yekun razılaşma şərtləri düşünürlər. Hər iki tərəf əməkdaşlığı davam etdirmək istəyir.

Loading.aZ xəbər verir ki, “Real” rəhbərliyi 25 yaşlı futbolçunu klubun “irsi” hesab edir.

Məlumata görə, klublararası dünya çempionatından sonra tərəflər arasında yeni müqavilə ilə bağlı yaranan ziddiyyətlər son həftələrdə aradan qaldırılıb. Vinisius və “Real” anlayır ki, əmək müqaviləsinin uzadılması şayiələri dayandıracaq. Nəticədə “sabitlik və sakitlik mərhələsi” başlayacaq. Bu mərhələdə həm futbolçu, həm də klub idman, sosial və iqtisadi baxımdan fayda əldə edəcək.

Vinisius 2018-ci ildən “Kral klubunun” heyətində çıxış edir. Bu müddət ərzində hücumçu bütün turnirlərdə 338 oyuna çıxıb, 111 qol vurub və 87 məhsuldar ötürmə edib. Transfermarkt portalının məlumatına əsasən, futbolçunun bazar dəyəri 150 milyon avrodur.