bu sevda sirli üçbucaq , qalmışam tənbölən kimi

Necə ecaz, necə sirsən ?

Dirildirsən, gülən kimi ...

Nə sənə ağa oluram ,

nə oluram kölən kimi .

Yolun sonu isti ocaq ,

həsrəti var, qucaq-qucaq,

bu sevda sirli üçbucaq ,

qalmışam tənbölən kimi.

Soyuq gedir, ilıq qalır,

könül torda balıq qalır,

ha bolürsən, qalıq qalır,

bolünmür ki, bölən kimi.

Yaxındımı, yoxsa yaddı ?

Bal göründü , acı daddı,

bu nə alov, bu nə oddu?

Bilmək olmur bilən kimi.

Duyğu ağıla ram deyil,

arzu şamdı, o kam deyil ,

şam ömrü də yaşam deyil,

yanır, sönür ölən kimi.

 #MahirDiniyev