Zaman bizi dəyişdirsə belə, sevgimiz dəyişməsin

Yaşlan mənimlə…

İllər keçsin, saçlarımıza ağlar düşsün, üzümüzdə xırda xatirə cizgiləri yaransın, amma qəlbimizdəki sevgi ilk günkü kimi təmiz qalsın. Bir gün sakitcə yanımda otur, tələsmədən danışaq hər şeydən — verdiyimiz yüzlərlə mübarizədən, susaraq dözdüyümüz ağrılardan, birlikdə aşdığımız çətinliklərdən. Acı günlərimizi xatırlayıb şükür edək, şirin xatirələrimizdə gülümsəyək.

Heç vaxt buraxmayaq bir-birimizin əlini. Həyat bəzən sərt, bəzən yorucu olsa da, bilək ki, arxamızda möhkəm dayanan bir “biz” var. Birlikdə “yaxşı ki” deyək — yaxşı ki, yolum səninlə kəsişdi, yaxşı ki, taleyim sənin adını yazdı. Son nəfəsimi sənin yanında verəcəyimi bilmək belə mənə rahatlıq versin.

Dərdim olanda sözə ehtiyac qalmasın; gözlərimdən oxu məni, sükutumdan anlayasan. Susanda da eşit məni, yorulanda da qucaqlayasan. Məni hər zaman ilk günkü kimi sev — sadə, saf, hesabsız. Zaman bizi dəyişdirsə belə, sevgimiz dəyişməsin.

Bir gün tut əlimdən…

Elə tut ki, bütün bir ömür boyu heç buraxmayasan. Qaranlıqda işığım ol, yolumu itirəndə ünvanım. Mən də sənin üçün eyni olum. Yaşlanaq birlikdə, nəfəs-nəfəs, ürək-ürəyə… 🖤