Bəlkə də unutmağı bacarmamaqdır yorğunluqların səbəbi

“Bəzən insan sadəcə yorğun olur.Yuxusuzluqdan, aclıqdan,fiziki ağrıdan yox...

Həyatın sıxıcılığından,tükənmişliyindən.Amma hər şeyə baxmayaraq,səhər yenidən açılır.Günəş doğur,həyat davam edir.Çünki insan öz külündən necə qalxmağı ən yaxşı bilir.Hər məğlubiyyət onları bir az daha susdura bilər,amma səssiz olduqları yerdə belə, onlarda bir möhkəmlik yaranır.Yorğun olsalar belə, təslim olmurlar; qırıla bilərlər,amma dağılmırlar.Çünki bilirlər ki, ən böyük qələbə bəzən sadəcə ayaq üstə durmaqdır.

Əgər əbədi yaşamaq şansımız olsaydı, bu sonsuz həyata dözə bilərdikmi deyə sual verərlər özlərinə,baxdıqları hərşeydə bir anlam axtararlar.Amma ulduzlara,o bitməz-tükənməz kainata baxanda,yaşamın mövcudluğu bitməyəcək həyat arzusunu alovlandırır."

Bəlkə də unutmağı bacarmamaqdır yorğunluqların səbəbi.Pisiylə yaxşısıyla vidalaşmağı bacarmaqdır yaşam.