Röya Aygün Kazımovanın mahnısını oxuyacaq

"Çox arzulayırıq ki, birlikdə layihəmiz olsun. Bütün bəstəkarlardan mahnı gözləyirik, atırlar da. Mahnını oxuyanda deməməlidilər ki, küsmüşdülər, barışdılar və dostluqdan oxuyurlar. Biz sevgidən oxumalıyıq. İkimizdə güclü qadınıq. Mahnı üçüncü şəxsə aid olmalıdır".

Bu sözləri Xalq artisti Röya Ayxan "müsavat.com"a açıqlamasında deyib. Müğənni Xalq artisti Aygün Kazımova ilə barışığını reklam adlandıranlara cavab verib.

Röya bildirib ki, Aygün Kazımovanın mahnısını oxuyacaq:

"Heç piar deyil. Yaxşı ki, barışmışam. Həyatıma yenilik gəlib. Sevgimi, səhvimi deyə bilirəm. Problemim olanda da ona deyə bilirəm. Aygün xanımın mahnısını oxuyacağam. İki mahnıdan birini Zamiq Hüseynov oxudu. Biri mənə qaldı. Oxuyacağam, inşallah, ad gününə çatdıraram".