Kənan Heydərov Şeirlər 16-10-2017, 17:07

:( VeFaSIz GüLüm :(

Bəzən olub bir küləyə möhtaclığım
Səbəb olub ətrin ala bilməmişəm...
Az olmayıb səndən ötrü ağladığım..
Gözyaşıma dayan deyə bilməmişəm...

İxtiyarsız axıb yaşlar , çıxıb sözdən
İntihara meyl ediblər bəlkə elə...
Bu yüzdən də tökülüblər bəlkə gözdən.
Gətirmiblər sözlərini heç cür dilə..

Sakit, sessiz son qoyublar ömürlərə
Sahid durub her birisi bu nisgilə, bu kədərə
Tək vəfasız çıxan elə sən oldun, bax...
Azmış kimi, yenə vurdun dərd qəlbimə...

Viran qaldı, hey qırıldı bədbəxt ürək
Olmadı ki, sən gedəndən xoşbəxt ürək...
Anlamadım sevirdinsə nə idi bu,
Gedərmi heç məgər insan, de sevərək?

Bu nə eşq ki, ayrı salır, qovuşdurmur?
Bu nə eşq ki, xoş gün vermir, ancaq yorur?
Bunun adı sevda deyil, heç.eşq deyil...
Məgər eşq də söylə mənə qəlb mi qırır?

Eşq gəlir ki, məna qatsın ömür - günə
Eşq vermir ki, fərman heç vaxt ölümünə...
Aşiqdinsə, eşq vardısa o qəlbində
Necə qıydın məşuquna, sevgilinə?

Yoxmuş səndə, bir qram da eşqdən əsər,
Sevən verməz sevdiyinə bircə zərər...
Bax qəlbimə, ağrı,acı, qüssə-kədər...
Bax qəlbimə ,nələr yoxdu daha nələr..

Vəfasızsan tez unutdun, çıxıb getdin.
Bəs mən neynim, axı söylə necə gedim?
Anlamıram, sevirdinsə necə getdin?
Bacarmıram, bəs mən necə çıxım gedim..?

Bu ayaqlar, bu ürəyim və.bu gözlər...
Xəyanət də, nifrət belə etsən yenə...
Əfv eləyər yenə inan, səni gözlər...
Yetər ki, gəl, qayıt geri , qayıt mənə...