Sən yetər ki sev…

Sən yetər ki sev…

Mən sevginin bütün yükünü çəkməyə razıyam.

Acısı varsa – onu da payıma yaz,

Həsrəti varsa – gecələrimə səp,

Göz yaşları varsa – qoy yanaqlarımdan süzülsün.

Sən yetər ki sev…

Mən ayrılığın sərt küləyinə də dözərəm,

Sükutunun ağır divarlarını da aşaram.

Sən bircə dəfə ürəkdən “sevirəm” de,

Mən min dəfə içimdə o sözü təkrar edərəm.

Sən yetər ki sev…

Qəlbim yaralansa da, incinsə də,

Sevginin izini daşımaqdan qorxmaram.

Çünki insan bəzən xoşbəxtlikdən yox,

Sevdiyini sevə bildiyi üçün yaşayır.

Sən yetər ki sev…

Mən yolunu gözləyən küçə lampası kimi

Gecənin qaranlığında belə sönmərəm.

Sən gəlməsən də,

Sənin üçün yanmağa razıyam.

Sən yetər ki sev…

Sevginin acısı belə mənə şirin gələr.

Çünki ürəyim bilir ki,

Sevilmədən yaşamaqdan

Sevib incimək daha gözəldir.