Hər yeməyə uyğun ideal sous – məşhur pesto resepti

Sadə, aromatik və çox yönlü sous axtarırsınızsa, pesto ideal seçimdir. Loading.aZ xəbər verir ki, aşpazlar bu məşhur italyan sousunun ev şəraitində asan hazırlanma qaydasını açıqlayıblar.Pesto sousu əsasən təzə reyhan, zeytun yağı, sarımsaq, qoz və parmezan pendirindən hazırlanır. Bütün inqrediyentlər blenderdə mərhələli şəkildə qarışdırılaraq homogen kütlə əldə edilir. Sousun dadını daha da zənginləşdirmək üçün qozları əvvəlcədən yüngül qovurmaq tövsiyə olunur. Nəticədə həm ət, həm makaron, həm də salatlarla mükəmməl uyğunlaşan aromatik sous hazırlanır.Mütəxəssislər bildirirlər ki, pesto sousunu uzun müddət saxlamaq məsləhət deyil. Onu təzə-təzə istifadə etmək daha faydalıdır və maksimum 5 gün ərzində soyuducuda saxlamaq olar. Bu sous istənilən yeməyə fərqli dad qataraq gündəlik menyunu daha maraqlı və zəngin edir.