"Bacım sənətkardır, cinayətkar deyil" - İlahə Fəda
Həbs edilən müğənni Fədayə Laçının "Qoca" ləqəbli avtoritet Etibar Məmmədovla yayılan görüntüləri müğənninin bacısı İlahə Fədanı özündən çıxarıb.
LoadinG.AZ xəbər verir ki, yenicag.az-a açıqlama verən İlahə Fəda boğaza yığıldığını deyib:
"Mən indi çox aqressiv və emosionalam. Əsəblərim son həddədir, qoy nə qədər istəyirlər bacımla bağlı videolar yaysınlar. Amma o videoları yayanlar istintaq bitəndən sonra utanacaqlar. Biz Afrikanın cəngəlliklərində deyilik, qanunların işlədiyi ölkədə yaşayırıq. İstintaq gedir və kimin günahkar olduğu üzə çıxacaq. Bacımın da günahı varsa, cəzasını alacaq, yoxdursa azadlığa buraxılacaq. Bacım sənətkardır, cinayətkar deyil. Bunu hər kəs bilsin. O videoları yayanlar onun övladını, ailəsini də düşünsün".
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
