Ümman təki çağlayırsan ey qadın

Əvvəlindən özü bəxtsiz doğulan,

İçin-için ağlayırsan ey qadın,

Bir çox şeyi dəyişdirmək olmayır,

Qəlbi yaman dağlayırsan ey qadın.

✍️✍️✍️✍️✍️✍️✍️✍️✍️✍️✍️✍️

Yardan yarımadın gülmədi üzün,

Ağlayıb sevinci dəfn etdi gözün,

Xəyyalar qoynunda düşün bir özün,

Ömür kitabını bağlayırsan ey qadın.

✍️✍️✍️✍️✍️✍️✍️✍️✍️✍️✍️✍️✍️

Bəxtin gətirmədi sevib sevəndə,

Xoşbəxtlik dadmadın ömür sürəndə,

Qəmə yoldaş oldun çoxu güləndə,

Ümman təki çağlayırsan ey qadın.

✍️✍️✍️✍️✍️✍️✍️✍️✍️✍️✍️✍️✍️

Başına bağladın örpəyi qara,

Kədərlər içində qəlb oldu yara,

Düşmüsən elə bil tilsimə tora,

Dərd içində sızlayırsan ey qadın.

                                İlkin Zahidoğlu