Güzgülər haqqında həqiqət: niyə özünüzü fotodakından daha yaraşıqlı görürsünüz?

Güzgüyə baxırsınız - özünüzü bəyənirsiniz. Sonra məclisdən çəkilmiş fotoya baxıb dəhşətə gəlirsiniz. Bu, kameranın hiyləsi deyil. Bu, güzgülərin və beyninizin yaratdığı oyundur. 

Loading.az xarici mediaya istinadən xəbər verir ki, elmi faktla insanların görünüşü sizin özünüzü güzgüdə qiymətləndirdiyinizdən təxminən 20 faiz daha yüksək dəyərləndirdiyi sübut olunub. Çünki onlar sizin canlı mimikanızı görürlər, donmuş bir kadrı yox.

Güzgü sizi əks olunmuş formada göstərir. Foto isə sizi başqalarının gördüyü kimi təqdim edir. Siz isə on illər ərzində məhz güzgüdəki əksinizə öyrəşmisiniz. Hər kəsdə olan üz assimetriyası güzgüdə adi görünür, amma fotoda yad və qəribə təsir bağışlayır.

Güzgü dinamikdir: siz göz qırpırsınız, gülümsəyirsiniz, hərəkət edirsiniz. Foto isə çox vaxt uğursuz bir anı, məsələn, qapalı göz qapaqları ilə olan saniyəni tutur.