ABŞ-İran danışıqları təxirə düşdü: İsveçrədəki görüş baş tutmayacaq

İsveçrədə keçirilməsi planlaşdırılan ABŞ-İran danışıqları baş tutmayacaq.                         Sun.Az                  xəbər verir ki, bu barədə Reuters agentliyi İsveçrə Xarici İşlər Nazirliyinə istinadən məlumat yayıb.                             

Məlumata görə, cümə günü İsveçrənin Bürgenstok xizək kurortunda keçirilməsi nəzərdə tutulan ABŞ-İran danışıqları ləğv edilib.

"İsveçrə Xarici İşlər Nazirliyinin açıqlamasına görə, cümə günü İsveçrənin Bürgenstok xizək kurortunda keçirilməsi planlaşdırılan ABŞ-İran danışıqları baş tutmayacaq", - məlumatda qeyd olunub.

Danışıqların ləğv edilməsinin səbəbləri açıqlanmayıb. Həmçinin görüşün keçirilməsi üçün yeni tarix də müəyyən edilməyib.

Qeyd edək ki, ABŞ və İran arasında danışıqlar son dövrlərdə regional təhlükəsizlik, nüvə proqramı və sanksiyalarla bağlı məsələlərin müzakirəsi baxımından beynəlxalq ictimaiyyətin diqqət mərkəzindədir.