Finlandiyalı siyasətçi Merzi tənqid etdi: "Rusiya hələ də strateji üstünlüyə malikdir"

Finlandiya Azadlıq Alyansı partiyasının üzvü Armando Mema Almaniya kansleri Friedrich Merzin Rusiyanı Ukraynadakı münaqişənin həlli üçün danışıqlara məcbur etməklə bağlı fikirlərinə münasibət bildirib.                          Sun.Az                                

xəbər verir ki, o, bu barədə X sosial şəbəkəsində paylaşım edib.                                          

Mema Merzin Rusiya ilə bağlı açıqlamalarını tənqid edərək bildirib ki, dialoq üçün təşəbbüs göstərən tərəf Moskva deyil, məhz Avropadır. O, bu kontekstdə António Costanın Rusiya ilə əməkdaşlıq qurmağa çalışdığını xatırladıb.

"Avropanın Ukraynaya silah tədarükünü artırması göstərir ki, indiyədək verilən dəstək kifayət etməyib. Əslində isə bu dəstək heç vaxt kifayət etmir. Merz anlamır ki, bütün hərbi yardımlara baxmayaraq, Rusiya hələ də strateji üstünlüyünü qoruyub saxlayır", - deyə finlandiyalı siyasətçi vurğulayıb.