Sözümün üstə

Nə zaman qayıtsan, qapım açıqdır.

Hələ də durmuşam sözümün üstə. 

Sənin yerə düşsə sözün hardasa, 

Mən öpüb qoyaram gözümün üstə.

Otuz yaşayaram, qırxa dolaram.

Sənə dost olaram, arxa olaram. 

Sənin səhvinə də qalxan olaram, 

Qılınc qaldıraram düzümün üstə.

Sənsiz ürək olsam, döyünmərəm, heç,

Sinəmə döymərəm öyünmərəm, heç, 

Ayağa qalxmağı düşünmərəm, heç, 

Görsəm, sən yatırsan dizimin üstə.

            Anar Ramazan