“Mercedes”dən yenilik: İnternetsiz işləyən süni intellekt köməkçisi gəlir

“Mercedes-Benz” yeni nəsil avtomobillərində internet bağlantısı olmadan işləyə bilən süni intellekt köməkçisini istifadəyə verməyə hazırlaşır.

Loading.az xəbər verir ki, yeni sistem səsli əmrləri birbaşa avtomobilin daxili kompüterində emal edəcək və bunun sayəsində cavablar daha sürətli veriləcək, eyni zamanda istifadəçilərin məlumatlarının məxfiliyi daha yaxşı qorunacaq.

Şirkətin bildirdiyinə görə, AI köməkçisi naviqasiyanın idarə edilməsi, avtomobil funksiyalarının səs vasitəsilə tənzimlənməsi, multimedia sisteminin idarəsi və sürücünün gündəlik sorğularına cavab verilməsi kimi funksiyaları yerinə yetirəcək.

Mütəxəssislər hesab edirlər ki, internetdən asılı olmayan bu texnologiya əlaqənin zəif olduğu ərazilərdə də stabil işləyəcək və gələcəkdə avtomobillərdə süni intellektin tətbiqini daha da genişləndirəcək.