“Windows 11”də RAM problemi tarixə qovuşur

“Microsoft” şirkəti “Windows 11”də yüksək RAM istifadəsi və performans problemlərini aradan qaldırmaq üçün mühüm dəyişikliklərə başlayır.

Loading.az xəbər verir ki, şirkət sistem komponentlərini “React” əsaslı infrastrukturdan yerli “WinUI” platformasına keçirərək yaddaş istifadəsini optimallaşdırmağı hədəfləyir.

Yenilənmə çərçivəsində ilk olaraq “Başlat” menyusu və bildirişlər yenidən hazırlanacaq.

Dəyişikliklər sayəsində RAM sərfiyyatı azalacaq, sistem daha sürətli işləyəcək, pəncərə ölçüsü dəyişdirilərkən yaranan görüntü qırılmaları və gecikmələr də aradan qalxacaq.