Zaxarova Paşinyanı məsxərəyə qoydu - Bulqakovdan sitat gətirdi

Rusiya Xarici İşlər Nazirliyinin sözçüsü Mariya Zaxarova Ermənistanın Baş naziri Nikol Paşinyana Mixail Bulqakovun "İtin ürəyi" əsərindən sitat gətirərək müraciət edib.                    Loading.Az                        

xəbər verir ki, Zaxarova bu barədə "Telegram" kanalında paylaşım edib.                 

O, Paşinyanın Rusiyanın Gümrüdəki 102-ci hərbi bazası ilə bağlı açıqlamasına istehzalı şəkildə "Sən kişisən, yoxsa qadınsan?" ifadəsi ilə reaksiya verib.

Qeyd edək ki, Ermənistanın baş naziri Yerevanın Gümrüdəki Rusiya hərbi bazasının mövcudluğunu vacib hesab etmədiyini bildirib. Paşinyan Rusiyanın bazanı Ermənistandan çıxarmaq qərarına gələcəyi təqdirdə Yerevanın buna etiraz etməyəcəyini, bazanın saxlanılması qərarı verilərsə, məsələni müzakirə etməyə hazır olduqlarını deyib.

Paşinyanın məsələyə konkret mövqe bildirməməsi Rusiya Xarici İşlər Nazirliyinin sözçüsü Mariya Zaxarovanın istehzalı reaksiyasına səbəb olub.