Ulyaa

Ulyaa İdman Bu gün, 10:00

Dünya və Avropa çempionu karyerasını başa vurdu

Dünya və Avropa çempionu karyerasını başa vurdu

“Valensiya”, “Çelsi” və “Mançester Yunayted”in keçmiş yarımmüdafiəçisi Xuan Mata rəsmi olaraq peşəkar futboldan ayrıldığını elan edib.

Loading.az-ın xarici mediaya istinadən məlumatına görə, 38 yaşlı ispaniyalı qərarını sosial mediada vida mesajı yayımlayaraq açıqlayıb.

"Bəzən sevmək buraxmaq deməkdir. Təşəkkür edirəm, futbol", - Mata yazıb.

Qeyd etmək lazımdır ki, ispan futbolçunun futbol karyerası “Ovyedo” və “Real” akademiyalarında başlayıb. O, həmçinin peşəkar şəkildə “Valensiya”, Yaponiyanın “Vissel Kobe”, Türkiyənin “Qalatasaray”, Avstraliyanın “Vestern Sidney Vonderers” və “Melburn Viktori” komandalarında da oynayıb.

Lakin Mata ən böyük şöhrətini İngiltərə nəhəngi "Çelsi" və "Mançester Yunayted"də qazanıb. London klubu ilə o, 2011/12 mövsümündə Çempionlar Liqasını qazanıb.

İspaniyalı oyunçu ümumilikdə klub səviyyəsində 699 oyun keçirib, 148 qol vurub və 166 məhsuldar ötürmə edib. Mata həmçinin İspaniya millisində 41 oyun keçirib.

Yarımmüdafiəçi beynəlxalq futbolda ən yüksək mükafatları qazanıb: o, 2010-cu ildə Dünya çempionatını qazanıb və finalları Ukrayna və Polşada keçirilən 2012-ci il Avropa çempionatında da qalib gəlib.

İspaniyalı futbolçunun son klubu 2025-ci ildə qoşulduğu Avstraliyanın “Melburn Siti” klubu olub.

Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

Bəyən Sevgi Gülüş Şok Üzgün Əsəbi
1 6 0 7 18 3

Oxşar xəbərlər Digər trend xəbərləri

Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

Məlumat Hörmətli Qonaq, sizin qeydiyyatınız olmadığı üçün siz rəy yaza bilməzsiniz.Xahiş edirik qeydiyyatdan keçin.